अक्कलकोट ( प्रतिनिधी ) अक्कलकोट येथील शिव बसव डॉक्टर बी आर आंबेडकर मागासवर्गीय बहुउद्देशीय सामाजिक संस्थेकडून सामुदायिक विवाह सोहळ्याचे दिनांक २० मे रोजी प्रियदर्शनी मंगल कार्यालयात आयोजन करण्यात आले होते. दरवर्षी विश्वरत्न भारतीय राज्य घटनेचे शिल्पकार डॉ. बाबासाहेब आंबेडकर यांच्या जयंतीनिमित्त शिव बसव डॉक्टर बी आर आंबेडकर सामाजिक संस्थेकडून सामुदायिक विवाह सोहळ्याचे आयोजन केले जाते. यावेळी १३ जोडप्यांचा सामुदायिक विवाह सोहळा करण्यात आला. संस्थेचे अध्यक्ष संदीप मडीखांबे यांच्या मार्गदर्शनाखाली सदरचा सामुदायिक विवाह सोहळा पार पडला. या सामुदायिक विवाह सोहळ्यास श्री स्वामी समर्थ अन्नछत्र मंडळाचे कार्यकारी अध्यक्ष अमोलराजे भोसले शिवसेनेचे अध्यक्ष संजय देशमुख माजी नगरसेवक उत्तम गायकवाड , दातापीर बाबा, शिलामणी बनसोडे , तुकाराम दुपारगुडे आदीसह विविध मान्यवरांची उपस्थिती होती. संस्थेतर्फे वधू वरांना मणी मंगळसूत्र , जोडवे , साडी , शालू ,संसार उपयोगी भांडी , खाट ,गादी ,कपाट आदी वस्तू देण्यात आल्या. दरम्यान प्रारंभी अक्कलकोट शहरातून वधू-वरांची सायंकाळी वरात मिरवणूक काढण्यात आली. सायंकाळी मंगल परिणय विधी पार पडला. आतापर्यंत संस्थेकडून सात वर्षात १२९ जोडप्यांचा विवाह संपन्न झाला आहे. या विवाह सोहळ्याचा विधी बौद्धाचार्य मरेपा शिवशरण यांनी केले. याप्रसंगी संस्थेचे अध्यक्ष संदीप मडीखांबे विवाह सोहळा समिती अध्यक्ष विकास गायकवाड , विनोद थोरे ,सुधीर सोनकांबळे , जयकुमार सोनकांबळे , रुपेश नडगम श्रीशैल कारागीर, गंगाराम गायकवाड , मोहन बनसोडे , बसवराज गायकवाड , प्रथमेश दुपारगुडे महादेव बनसोडे आदीं सह शिव बसव डॉक्टर बी आर आंबेडकर मागासवर्गीय संस्थेचे पदाधिकारी वधू वरांकडील पाहुणे मंडळी , नागरिक मोठ्या संख्येने उपस्थित होते.
