सांगा आम्हाला….
सांगा आम्हाला बिर्ला बाटा टाटा कुठं हाय हो
सांगा धनाचा साठा न् आमचा वाटा कुठं हो ||
घाम शेतात आमचा गळं, चोर आयताच घेऊन पळ
धन चोरांचा तो पळण्याचा फाटा कुठं हाय हो||
न्याय वेशिला टांगा सदा,माल त्यांचा की आमचा वदा
करा निवाडा आणा तराजू काटा कुठं हाय हो ||
लोणी सारं तिकडं पळं, इथं भुकेन जीवहा जळं
अहो दुकानवाले दादा आमचा वाटा कुठं हाय हो ||
इथं बिऱ्हाड उघड्यावर, तिथं लुगडी लुगड्यावर
अहो या दुबळीचं धुडकं फडकं धाटा कुठं हाय हो ||
इथं मीठ मिरची अन् तुरी, तिथं मुर्गी कटलेट सुरी
अहो सांगा आम्हाला मुर्गी कटलेट काटा कुठं हाय हो||
शोधा सारे साठे चला, आज पाडा वाटे चला
अहो वामनदादा आमचा घुगरी घाटा कुठं हाय हो||
— वामनदादा कर्ड ( लोककवी ,लोकगायक )
