अक्कलकोट : (प्रतिनिधी)
महाराष्ट्र बहुजन मध्यवर्ती शिवजन्मोत्सव युवक मंडळाने श्री स्वामी समर्थ अन्नछत्र मंडळाचे संस्थापक अध्यक्ष व मंडळाचे आधारस्तंभ जन्मेजयराजे विजयसिंहराजे भोसले, श्री वटवृक्ष स्वामी महाराज देवस्थानचे अध्यक्ष महेश इंगळे, सुरेशचंद्र सुर्यवंशी, बाबासाहेब निंबाळकर यांच्या मार्गदर्शनाखाली व अमोलराजे जन्मेजयराजे भोसले यांच्या नेतृत्वाखाली शिवजन्मोत्सवच्या पदाधिकाऱ्यांची निवडी संपन्न झाल्या. अध्यक्षपदी – प्रसाद मोरे, उपाध्यक्षपदी – अमित घाडगे, सचिवपदी- आकाश सूर्यवंशी, श्रीधर गुरव, खजिनदार – शितल फुटाणे-जाधव तर कार्याध्यक्षपदी –विशाल कलबुर्गी, राजाराम पवार, फहिम पिरजादे यांची एक मताने निवड करण्यात आली.
श्री स्वामी समर्थ अन्नछत्र मंडळ आणि महाराष्ट्र बहुजन मध्यवर्ती शिवजन्मोत्सव युवक मंडळ यांच्या संयुक्त विद्यमाने सालाबादप्रमाणे शिवजयंती मोठ्या उत्साहात आयोजित करण्यात येते. यंदा देखील जय्यत तयारी सुरु झाली आहे. याकरिता सोमवारी राजे फत्तेसिंह चौक, सर्जेराव जाधव पथ या मार्गावरील श्री फत्तेसिंह शिक्षण संस्थेच्या सर्जेराव जाधव सभागृहात आयोजित केलेल्या बैठकीच्या अध्यक्षस्थानी मावळते अध्यक्ष बाळासाहेब पोळ हे होते.
सदर प्रतिष्ठापना जुना राजवाडा समोरील शामियाना मंडपात मिरवणूकीने छत्रपती शिवरायांच्या सिंहारुढ पुतळ्याची प्रतिष्ठापना करण्यात येणार असल्याची माहिती नूतन अध्यक्ष – प्रसाद मोरे व उपाध्यक्ष – अमित घाडगे यांनी सांगितले. या बैठकीस शिवप्रेमी बहु संख्येने उपस्थिती होते.
