सोलापूर ( रमेश सुरवसे )संभव फाउंडेशन सोलापूरच्या माध्यमातून बेवारस मनोरुग्णांस त्यांच्या राहत्या घरी किंवा महाराष्ट्रातील विविध ठिकाणच्या मनोरुग्णालयात सोडण्यासाठी येणाऱ्या अडचणी आणि समस्या संदर्भात मिटिंगचे आयोजन करण्यात आले होते. या बैठकीला पोलीस आयुक्त एम. राजकुमार , पोलीस उपायुक्त डॉ. दिपाली काळे आदीचीं प्रमुख उपस्थिती होती.सरकारी यंत्रणा आणि पोलीस प्रशासनाची लागणारी सर्वतोपरी मदत करण्याचे आश्वासन यावेळी पोलीस आयुक्त एम. राजकुमार यांनी दिले.
संभव फाउंडेशनच्या माध्यमातून वेगवेगळ्या उपक्रमाची आणि कार्यक्रमची माहिती सरांनी घेतली.
संभव अन्नपूर्णा योजनेचे कौतुक करत संभव शैक्षणिक उपक्रमासाठी पुस्तकांचे सहकार्य करण्याचे आश्वासन पोलीस आयुक्त एम. राजकुमार यांनी दिले.या आधी सोलापूर शहर पोलिस आयुक्तांनी संभव फाउंडेशनच्या कार्याची दखल घेत वेळोवेळी मार्गदर्शन केलं त्यात प्रामुख्याने माजी पोलीस आयुक्त अंकुश शिंदे , पोलिस आयुक्त हरिष बैजल , पोलिस आयुक्त राजेंद्र माने यांच्यामुळे अनेक मनोरुग्णांच्या पुनर्वसनासाठी खूप मोठं सहकार्य लाभलं.यावेळी संभव फाउंडेशनचे आतिश कविता लक्ष्मण, गणेश पवार उपस्थित होते.या मिटिंगमधून एक सकारात्मक प्रतिसाद लाभला.
