अक्कलकोट : (प्रतिनिधी)
श्री स्वामी समर्थ अन्नछत्र मंडळाचे संस्थापक अध्यक्ष जन्मेजयराजे भोसले यांच्या मार्गदर्शनाखाली व प्रमुख कार्यकारी विश्वस्त अमोलराजे भोसले यांच्या नेतृत्वाखाली अन्नछत्र मंडळाने भक्तांकरिता केलेल्या व्यवस्थेमुळे तीर्थक्षेत्र अक्कलकोटच्या वैभवात भर पडत चालली आहे. शहर विकासात न्यासाचे मोलाचे योगदान असल्याचे मनोगत श्रीक्षेत्र अक्कलकोट न.प. नूतन मुख्याधिकारी (वर्ग -१) रमाकांत डाके यांनी व्यक्त केले.
ते श्रीक्षेत्र अक्कलकोट येथील श्री स्वामी समर्थ अन्नछत्र मंडळात आले असता, मंडळाचे प्रमुख कार्यकारी विश्वस्त अमोलराजे भोसले यांच्या हस्ते श्रींची प्रतिमा, कृपावस्त्र व श्रीफळ देऊन मंडळाच्या वतीने सत्कार करण्यात आला, यावेळी ते बोलत होते.
यावेळी न्यासाचे उपाध्यक्ष अभय खोबरे, सचिव शामराव मोरे, विश्वस्त भाऊ कापसे, संतोष भोसले, मनोज निकम, अॅड.संतोष खोबरे, माजी नगरसेवक रामचंद्र समाणे, मैनुद्दीन कोरबू, निखील पाटील, एस.के.स्वामी, बाळासाहेब घाडगे, सिद्धाराम कल्याणी, बाळासाहेब पोळ, शहाजीबापू यादव, कल्याण देशमुख, सतीश महिंद्रकर, नामा भोसले, मल्लिनाथ कोगणुरे, शावरेप्पा माणकोजी, शिवकुमार स्वामी, विजय माने, महांतेश स्वामी, समर्थ घाडगे, धनंजय निंबाळकर, चंद्रकांत हिबारे, काशिनाथ वाले व न.प.कर्मचारी यांच्यासह न्यासाचे सेवेकरी, कर्मचारी, भक्तगण बहुसंख्येने उपस्थित होते.
