अक्कलकोट: ( प्रतिनिधी ) विशालगड च्या पायथ्याशी असलेल्या “गजापूर”गावातील मुस्लिमवाडी येथील दर्गा मसज्जिद व नागरी वस्तीवर हल्ला करणाऱ्या दहशतवाद्यांना अटक करून कठोर कारवाई करण्याबाबत अक्कलकोट मुस्लिम समाज कडून तहसीलदार विनायक मगर यांना निवेदन देण्यात आले.
अखंड भारताचे प्रेरणास्थान श्री.छत्रपति शिवाजी महाराजानी अठरापगड जातींना एकत्र घेऊन ज्या पवित्र भूमीवर स्वराज्याची स्थापना केली व छत्रपती शाहू महाराजांनी ज्या राजधानीवर सर्व धर्मीय लोकांना सोबत घेऊन राज्य केले त्या महाराष्ट्राच्या पावन भूमीवर विशालगडा वरील अतिक्रमणाच्या नावावर काही समाजकंटकांनी दर्गा मस्जिद व नागरी वस्तीवर व तसेच मुस्लिम महिला पुरुष बालकावर तलवारी व अन्य शस्त्राने अमानुष हल्ला केला वाहनाची तोडफोड करून घरे जाळली ही बाब अतिशय धक्कादायक आणि भयावह आहे हल्ले खोरांवर कायदेशीर कारवाई करून हल्ला झालेल्या वस्तीवरील नागरिकांना विशेषता महिला माता-भगिनींना संरक्षण व त्यांची नुकसान भरपाई शासनामार्फत त्वरित देण्यात यावी या मागणीची निवेदन अक्कलकोटचे तहसीलदार विनायक मगर यांना देण्यात आले.
प्रशासनातर्फे त्वरित कारवाई व नुकसान भरपाई न मिळाल्यास येत्या पंधरा दिवसात मुस्लिम समाजाकडून जन आंदोलन करण्याचा इशारा हि देण्यात आले आहे.
यावेळी आशापक बळोरगी, रईस टिनवला, एजाज मुत्वली,सद्दाम शेरिकर, निसार शेख,इरफान दावणा, हुसेन बळोरगी, समीर शेख,रशिद खिस्तके, मतीन पटेल,शोएब यळसंगी, सद्दाम शेख,सैपन शेख, अलिबाशा अत्तार, सोहेल फरास(सामजिक कार्यकर्ते), हरून जमादार, फयाज फरास,सैपन हगलदिवटे, अल्त्मश, जब्बार बागवान,व मुस्लिम बांधव मोठ्या संख्येने उपस्थित होते.
