मला चिड येत नाही हाच माझा गुन्हा !

मला चिड येत नाही हाच माझा गुन्हा
दोष देऊ कुणा, सांगा दोष देऊ कुणा
आहे तेच माझे गाव आणि तेच गांवकर
माझा भिम असताना कापायचे थरथर
गेला गेला भिमराणा,आला नेभळटपणा
माझ्या पोटच्या पोरींची लाज लोकांत लुटते
डोळे पहातात माझे काया कापत सुटते
माझा नेभळटपणा माझ्या लाचारीने गुणा
माझ्या आई बहिणीला नागविता ठाई ठाई
मला चिड येते नाही हाच माझा गुन्हा
मीच माझ्या अब्रू ची पाही विटंबना
जिथे जळे माझा भाऊ झोपडीसहीत
काय झाले काय नाही नोंद ह़ोईना वहीत
आज मीच माझ्या पाऊलांच्या बुजवितो खुणा
दोष देऊ कुणा, सांगा दोष देऊ कुणा

लोककवी वामनदादा कर्डक