अक्कलकोट ( प्रतिनिधी
अक्कलकोट तीर्थक्षेत्र विकासासाठी आपण मुख्यमंत्री असताना विकास आराखडासाठी मोठा निधी दिला . तीर्थक्षेत्र अक्कलकोट जागतिक स्तरावर नावाजलेले असून या शहराच्या सर्वांगीण विकासासाठी शिवसेनेला मतदारानी संधी द्यावी. या निवडणुकीत विरोधकांना चारी मुंड्या चित करा . अक्कलकोट , दुधनी नपावर शिवसेनेचा भगवा फडकवा . या शहराच्यां विकासासाठी निधी कमी पडू दिला जाणार नाही असे आश्वासन माजी मुख्यमंत्री तथा विद्यमान उपमुख्यमंत्री एकनाथ शिंदे यांनी दिले .
दुधनी नपा नगराध्यक्ष पदाचे शिवसेनेचे उमेदवार प्रथमेश म्हेत्रे व अक्कलकोट नपा नगराध्यक्ष पदाचे शिवसेनेचे उमेदवार रईस टिनवाला व नगरसेवक यांच्या प्रचारार्थ उपमुख्यमंत्री एकनाथ शिंदे यांच्या जाहिर सभेचे रविवारी दुपारी जुना राजवाडा अक्कलकोट येथे आयोजन करण्यात आले होते. याप्रसंगी उपमुख्यमंत्री एकनाथ शिंदे बोलत होते . व्यासपीठावर माजी गृहराज्यमंत्री सिद्धाराम म्हेत्रे ‘शंकर म्हेत्रे ‘सोलापुर जिल्हा. संपर्क प्रमुख महेश साठे ‘महिला संपर्क प्रमुख अनिता माळगे ‘ जिल्हा प्रमुख अमर पाटील , ता प्रमुख बाबा पाटील ,राज्य प्रवक्त्या प्रा . ज्योती वाघमारे ,राज्य सदस्या प्रियंका परांडे , महिला जिल्हा प्रमुख रविना राठोड महिला ता प्रमुख वर्षा चव्हाण , शहर प्रमुख वैशाली हावनुर , शिवराज म्हेत्रे ‘ शितल म्हेत्रे , संजय देशमुख आदिची प्रमुख उपस्थिती होती .
चौकट – काय होतास तु काय झालास तु – माजी गृहराज्यमंत्री सिद्धाराम म्हेत्रे
अक्कलकोट व दुधनी न पा निवडुक सदस्य व नगराध्यक्ष निवडणुक प्रचारार्थ आयोजित सभेत माजी गृहराज्यमंत्री सिद्धाराम म्हेत्रे यांनी . ‘ “काय होतास तु काय झालास तु ” अशी म्हणायची वेळ आली आहे अशी मार्मिक टिका आमदार सचिन कल्याणशेट्टी यांच्यावर केली . तीनही नगरपालिकेकर शिवसेने चा भगवा फडकाविण्या साठी जिवाचे रान करू रक्ताचे पाणी करू . भगवा फडकाविल्याशिवाय स्वस्थ बसणार नाही अशी गर्जना माजी गृहराज्यमंत्री सिद्धाराम म्हेत्रे यांनी यावेळी करून धनुष्य बाणाला भरभरून मतदान करण्याचे आवाहन केले . या प्रसंगी प्रा. ज्योती वाघमारे , अनिता माळगे , बाबा पाटील अमर पाटील महेश साठे आदीनी मार्गदर्शन केले.
या प्रसंगी मोठ्या प्रमाणात शिव सैनिक उपस्थित होते.
