नायगाव / नांदेड (- सय्यद अजिम नरसीकर )
दि. ५ सप्टेंबर २०२५ रोजी कुसुम सभागृह नांदेड येथे शिक्षक दिनाच्या निमित्ताने महात्मा जोतीराव फुले शिक्षण परिषद महाराष्ट्र राज्य च्यावतीने विचारवंत तथा पूर्व सांसद ब्रिगिडीयर सुधीर सावंत यांच्या अध्यक्षतेखाली प्रा.डॉ. नागेश कल्याणकर, परिषदेचे राष्ट्रीय अध्यक्ष व्यंकटराव जाधव, कोषाध्यक्ष व्यंकटराव वडजे यांच्या उपस्थितीत भव्य दिव्य अशा शिक्षक गौरव सोहळ्यात जि प प्रा शाळा राऊतखेडा ता.कंधार येथील सहशिक्षक व कोलंबी नगरीचे भूमिपुत्र श्री शेख एम.जे. यांना राज्यस्तरीय शिक्षकरत्न पुरस्कार देऊन गौरविण्यात आले.शिक्षक म्हणून अध्यापन कार्य करत असताना सेवेच्या पहिल्या दिवसापासून ते आज रोजी पर्यंतच्या विद्यार्थ्यांशी शेख महमद यांची जोडलेली नाळ यामुळे विद्यार्थी प्रिय शिक्षक म्हणून असलेली ओळख, दुर्गसांगवी ता. जि.हिंगोली येथे कार्यरत असताना मुलींच्या पुढील शिक्षणासाठी मोफत वस्तीग्रह व शिक्षणाची व्यवस्था करून देण्यासाठी धडपडणारे, नवोदयसाठी झालेल्या विद्यार्थ्यांची निवड, शिष्यवृत्ती परीक्षेतील विद्यार्थ्यांचे यश,सध्या कार्यरत असलेल्या राऊतखेडा शाळेमध्ये राबवत असलेले विविध उपक्रम,सांस्कृतिक कार्यक्रम,विद्यार्थ्यांची इस्रो सहलीसाठी निवड, गुणवत्ता पूर्ण अध्यापन,पालक व गावकऱ्यांशी असलेला जिव्हाळा,शिक्षक बांधव व समाजात असलेली स्वच्छ प्रतिमा,प्रचंड लोकसंग्रह तसेच सामाजिक व शैक्षणिक क्षेत्रातील उल्लेखनीय कार्याची दखल घेऊन शेख एम.जे.यांना सहकुटुंबा सोबत मान्यवरांच्या हस्ते मानपत्र, सन्मानचिन्ह प्रदान करून सन्मानित करण्यात आले आहे.याप्रसंगी शेख महमद यांचे गुरुवर्य साहित्यिक वक्ते पी.बी.वाघमारे सर, सेवानिवृत्त प्राचार्य बामणे , मुख्याध्यापक तथा प्राचार्य रामशेठवाड , सरपंच आनंद शिंदे, प्रवीण पतंगे, मुख्याध्यापक सिरमलवार , सेवानिवृत्त पोलीस उपनिरीक्षक लतीफसाब शेख,डॉ.लाटकर मॅडम, डॉ.कांबळे मॅडम,लहाने , मुंढे मॅडम, शिक्षक मित्रमंडळी, माजी विद्यार्थी,गावकरी प्रतिष्ठित नागरिक व सह कुटुंबीय उपस्थित होते….
