पिंपरी चिंचवड ( अशोक शिवशरण )पर्यावरण वाचविण्यासाठी कटिबद्ध होऊया, झाडे लावून व पाणी वाचवून पर्यावरणाचा योग्य समतोल राखू या हा संदेश देत जागतिक पर्यावरण दिन निमित्त १००० वृक्ष दान लागवड संकल्पने दिनांक ०५ जून २०२५ वार गुरुवार रोजी वृक्षमित्र अरुण पवार आणि मराठवाडा जनविकास संघ मित्र परिवार यांच्या वतीने विविध संस्था व वृक्ष प्रेमी यांना वृक्ष दान रुपी देशी रोपे पिंपळ वड कडुलिंब चिंच आवळा आबा जांभूळ पेरू करंज ४ ते ५ फूट उचींचे रोपे देणेत आली. औंध,सांगवी पुणे जिल्हा रुग्णालय सामाजिक कार्यकर्ते प्रदीप गायकवाड यांच्या मार्गदर्शनाखाली वृक्षरोपण करण्यात आले. टाटा मोटर्स टाटा ऑटोकॉम्प हेंड्रिक्सन प्लांट येते वृक्ष लागवडीसाठी वृक्ष दान देण्यात आले. डॉ.डी.वाय.पाटील कॉलेज अँड ज्युनिअर कॉलेज आकुर्डी, पुणे येथील शिक्षक वर्ग व विद्यार्थी यांच्या संकल्पने आणि सामाजिक कार्यकर्ते संदीप ईश्वर काकरे याना ही वृक्ष दान करणेत आले. पंडित गुरू पार्डीकर महाविद्यालय,शिरसाळा ता.परळी वैद्यनाथ जि. बीड येथे महाविद्यालयाला मागच्या वर्षी ५०० वृक्षाचे वृक्ष लागवडीसाठी व या वर्षी ५०० वृक्षाचे रोप दान देण्यात आले. वृक्ष लागवड करून वृक्ष संवर्धन करण्याचे संकल्प केला व पर्यावरण दिन साजरा करण्यात आले. असे सर्वांना १००० रोपे दान स्वरूपात देण्यात आली.
पर्यावरण चळवळीत सहभागी व्हा वृक्षवल्ली आम्हा सोयरी वनचरे ,वन चरे पक्षी ही सुस्वरे आळविती संतांनी आपल्याला निसर्ग संवर्धन करण्याची परंपरा घालून दिली आहे या कार्यासाठी झाडे दान करा झाडांसाठी दान करा श्रमदान करा किंवा पर्यावरण चळवळीमध्ये सहभागी व्हा पर्यावरणाकडून विकासाकडे वाटचाल करा असे आवाहन पर्यावरण मित्र वृक्षमित्र अरुण पवार ( छत्रपती शिवाजी महाराज वनश्री महाराष्ट्र शासन पुरस्कार प्राप्त तथा समाजभूषण पुरस्कार प्राप्त ) यांनी केले.
