सोलापूर : ( रमेश सुरवसे ) राज्य सरकारी गट-ड (चतुर्थ श्रेणी) कर्मचारी मध्यवर्ती संघटनेच्या महाराष्ट्र राज्याचे अध्यक्ष भाऊसाहेब पठाण हे प्रदीर्घ प्रशासकीय सेवेमधून नियत वयोमानानुसार दि.31 जानेवारी 2025 रोजी सेवानिवृत्त झाल्यामुळे त्यांचा सेवापूर्ती सत्कार समारंभ सोहळा दि.01/02/2025 रोजी सचिवालय जिमखाना, मंत्रालयासमोर मुंबई येथील आलिशान सभागृहात राज्य सरकारी अखिल भारतीय राज्य सरकारी (चतुर्थ श्रेणी) कर्मचारी महासंघाचे अध्यक्ष डॉ.के गणेशन (केरळ) यांच्या अध्यक्षतेखाली मोठ्या थाटात संपन्न झाला. यावेळी राज्य सरकारी कर्मचारी मध्यवर्ती संघटनेच्या सोलापूर जिल्ह्याचे नेते राजाभाऊ सोनकांबळे यांच्या प्रमुख उपस्थितीमध्ये राज्य सरकारी (गट- ड) चतुर्थश्रेणी कर्मचारी मध्यवर्ती संघटनेच्या जिल्हा शाखा सोलापूरचे ज्येष्ठ नेते रघुनाथ बनसोडे, सटवाजी होटकर , आणि चंद्रकांत चलवादी या निष्ठावंत जुन्या नेत्यांच्या हस्ते भारतीय संविधानाचे शिल्पकार, भारतरत्न डॉ. बाबासाहेब तथा भिमराव आंबेडकर यांचे पिताश्री वडील सुभेदार रामजी मालोजी आंबेडकर (संकपाळ) यांचा “सुभेदारी” या रुबाबदार वेश्यातील अतिशय दुर्मिळ असलेला फोटो बहाल करून शाल, पुष्पगुछ देऊन सत्कार करण्यात आला.यावेळी राज्य सरकारी (चतुर्थ श्रेणी) कर्मचारी मध्यवर्ती संघटनेच्या सातारा जिल्ह्याचे सरचिटणीस तसेच महाराष्ट्र राज्याचे प्रदेश संघटक प्रकाश जाधव (सातारा) तसेच रासकम. संघटनेचे पुणे जिल्ह्याचे कर्तबगार अध्यक्ष तसेच विभागीय अध्यक्ष मारुतीराव शिंदे (पुणे) या ज्येष्ठ मान्यवरांची प्रमुख उपस्थिती होती. या सत्कार समारंभ सोहळ्याला अखिल भारतीय सरकारी कर्मचारी चतुर्थ श्रेणी कर्मचारी महासंघाचे सरचिटणीस सीताराम सुलानिया (दिल्ली), राज्य सरकारी कर्मचारी ” राजपत्रित महासंघाचे ” प्रदेश सरचिटणीस समीर भाटकर, राज्य सरकारी कर्मचारी मध्यवर्ती संघटनेच्या महाराष्ट्र राज्याचे अध्यक्ष अशोक दगडे (नागपूर), मुंबई मराठी पत्रकार संघाचे अध्यक्ष संदीप चव्हाण, व इतर मान्यवर नेत्यांची विशेष उपस्थिती होती. या सत्कार समारंभ सोहळ्यास अखिल भारतीय राज्य सरकारी कर्मचारी महासंघांचे प्रमुख प्रतिनिधी म्हणुन तामिळनाडू, उत्तर प्रदेश, केरळ, गुजरात, दिल्ली, हरियाणा, कर्नाटका, यां पर राज्यातूनही अखिल भारतीय महासंघाचे प्रमुख नेते मंडळीची उपस्थित होती. त्याचबरोबर राज्य सरकारी कर्मचारी मध्यवर्ती संघटनेचे महाराष्ट्र राज्यातील प्रमुख जिल्हा पदाधिकारी आणि कर्मचारी हे महाराष्ट्र राज्याच्या कानाकोपऱ्यामधून यां सत्कार समारंभ सोहळ्याकरिता आलेले होते.चतुर्थ श्रेणी कर्मचाऱ्याबरोबर राज्य सरकारी कर्मचारी मध्यवर्ती संघटनेच्या तृतीय श्रेणी (वर्ग -3) च्या कर्मचारी संघटनेचे पदाधिकारी सुद्धा या सेवा पूर्ती सत्कार समारंभ सोहळ्यास मोठया संख्येने उपस्थित होते.यानंतर सेवापूर्ती सत्कार समारंभ सोहळ्यापूर्वी भाऊसाहेब पठाण हे मुख्य संपादक असलेल्या ” कर्मचारी टाइम्स ” हे दैनिक मराठी वृत्तपत्र दुसऱ्या वर्षात पदार्पण करीत असल्यामुळे ” कर्मचारी टाइम्स ” या मराठी वृत्तपत्राचा दुसरा वर्धापन दिन कार्यक्रम मोठया उत्साही वातावरणात साजरा करण्यात आला.
