सामाजिक
परभणी शहरातील डॉ.बाबासाहेब आंबेडकर यांच्या पुतळ्यासमोरील संविधान प्रतिकृतीची तोडफोड करणाऱ्या समाजकंटकावर कठोर कारवाई करा -भारतीय बौद्ध महासभा
अक्कलकोट (प्रतिनिधी) भारतीय बौद्ध महासभेच्या वतीने परभणी येथील भारतीय राज्यघटनेचे शिल्पकार विश्वरत्न महामानव डॉ. बाबासाहेब आंबेडकर यांच्या पुतळ्याजवळील संविधान प्रतिकृतीचा अवमान करणाऱ्या समाज विघातक जातीवादी लोकांवर कठोर कारवाई करावी. तसेच त्या प्रकरणाची तातडीने सखोल चौकशी करून या मागील सूत्रधाराचा शोध लावून त्यांच्यावर देशद्रोहाचा गुन्हा दाखल करण्यात यावा अशी मागणी अक्कलकोटचे नायब तहसीलदार विकास पवार यांना दि बुद्धिस्ट सोसायटी ऑफ इंडिया तर्फे करण्यात आली. परभणी जिल्ह्यातील परभणी शहरांमध्ये घडलेल्या घटनेच्या प्रथम जाहीर निषेध करून निवेदन देण्यात येते की, दि. १०/१२/२०२४ रोजी परभणी शहरातील महामानव डॉक्टर बाबासाहेब आंबेडकर यांच्या पुतळ्यासमोरील संविधान प्रतिकृतीची तोडफोड जाणून बुजून करण्यात आलेली आहे. ते तोडफोड करणाऱ्या समाजकंटकाची योग्य ती चौकशी करून त्यांच्या पाठीमागील मास्टर माईंड गुन्हेगार कोण आहे ,व त्याच्या पाठी राख्या सहित आणि सोबतच्या सर्व गुन्हेगारावर कठोरात कठोर कारवाई करून महामानव डॉक्टर बाबासाहेब आंबेडकर यांनी लिहिलेल्या संविधानाचा सन्मान करावा अशी मागणी करण्यात आली .यावेळेस भारतीय बौद्ध महासभेचे जिल्हाध्यक्ष कमलाकर कांबळे, तालुकाध्यक्ष दत्ता कांबळे,जिल्हा संघटक सिद्धाराम घटकांबळे ,तालुका प्रवक्ता राजकुमार बनसोडे सर, कोषाध्यक्ष श्रीशैल शिवशरण, बऱ्हाणपूर उपसरपंच पद्मसिंह बनसोडे, कंटेहल्ली सरपंच अनिल येडे,संस्कार प्रमुख आकाश गायकवाड,डॉ. घुंगरेकर अनेक पदाधिकारी मोठ्या संख्येने उपस्थित होते.
