अक्कलकोट ( प्रतिनिधी )
२५० अक्कलकोट विधानसभा निवडणुकी करिता सोमवारी कॉग्रेस महाविकास आघाडीकडून माजी गृहराज्य मंत्री सिद्धाराम म्हेत्रे यांनी शहरातील प्रमुख मार्गावरून हजारो कार्यकर्त्याच्या उपस्थिती मध्ये भव्य जल्लोषपुर्ण वातावरणात हालगी वादयाच्या गजरात मिरवणुक काढून अर्ज भरला . यावेळी शक्ती प्रदर्शन करीत माजी मंत्री सिद्धाराम म्हेत्रे यांनी अर्ज भरला. अक्कलकोट तहसिल कार्यालयात माजी मंत्री सिद्धाराम म्हेत्रे यांनी निवडणूक निर्णय अधिकारी सुशांत बनसोडे यांच्याकडे उमेदवारी अर्ज दाखल केला. याप्रसंगी माजी जि. प. सभापती मल्लिकार्जून पाटील , काँग्रेस शहराध्यक्ष रईस टिनवाला , शिवसेना तालुका प्रमुख आनंद बुक्कानुरे आदी उपस्थित होते.
काँग्रेस महाविकास आघाडीकडून दुपारी १२ वाजता काँग्रेस पक्ष कार्यालयापासून काँग्रेस पदाधिकारी व कार्यकर्त्याचीं भव्य मिरवणूक काढण्यात आली. या मिरवणूकीत काँग्रेस पक्षाचे उमेदवार सिद्धाराम म्हेत्रे, काँग्रेस पक्षाचे तालुकाध्यक्ष शंकर म्हेत्रे , युवा नेते प्रथमेश म्हेत्रे सह विविध नेते मंडळी हे उघड्या जिपमध्ये उभे राहून नागरिकांना अभिवादन करत होते. अक्कलकोट शहरातील बस स्थानक, विजय कामगार चौक , कारंजा चौक , मेन रोड , वीर सावरकर चौक , राजे फत्तेसिंह चौक , एवन चौक ते काँग्रेस पक्ष कार्यालयापर्यंत भव्य रॅली संपन्न झाली. या रॅलीचा समारोप काँग्रेस पक्ष कार्यालयासमोर जाहीर सभा घेऊन करण्यात आला.
यावेळी रईस टिनवाला , अशपाक बळोरगी , शंकर म्हेत्रे, प्रथमेश म्हेत्रे ,शिवराज म्हेत्रे, उदय म्हेत्रे , मल्लीकार्जुन पाटील , मल्लीकार्जुन काटगाव , व्यंकट मोरे , अल्लीबाश अत्तार, शबाब शेख , आनंदराव सोनकांबळे , बाबूराव पाटील , सद्दाम शेरीकर , बाबासाहेब पाटील , संगमनाथ म्हेत्रे , सिद्धार्थ गायकवाड , सिद्धाराम भंडारकवठे , मुबारक कोरबू , रामचंद्र समाणे ,महादेव चुंगी आदींसह अक्कलकोट व दक्षिण सोलापूर तालुक्यातील मोठया प्रमाणत कॉग्रेस महाविकास आघाडीचे कार्यकर्ते उपस्थित होते.
