सामाजिक
श्री स्वामी समर्थ अन्नछत्र मंडळातील जाणता राजा छत्रपती शिवाजी महाराज यांचा शिवराज्याभिषेक सोहळा हलता देखावा पाहण्यासाठी देवी भक्तांची मोठी गर्दी
अक्कलकोट : (प्रतिनिधी) श्री स्वामी समर्थ अन्नछत्र मंडळातील जाणता राजा युग प्रवर्तक छत्रपती शिवाजी महाराज यांचा शिवराज्याभिषेक सोहळा प्रसंगाचा भव्य हालता देखावा पाहण्यासाठी देवी भक्ताचीं व महिला भक्ताचीं मोठी गर्दी होत आहे.
श्री स्वामी समर्थ अन्नछत्र मंडळाचे संस्थापक अध्यक्ष जन्मेजयराजे भोसले यांच्या मार्गदर्शनाखाली व न्यासाचे कार्यकारी अध्यक्ष अमोलराजे भोसले यांच्या नेतृत्वाखाली मंडळाने यंदापासून श्री तुळजाभवानी शारदीय नवरात्र महोत्सव -२०२४ चे आयोजन करण्यात आले असून जाणता राजा युग प्रवर्तक छत्रपती शिवाजी महाराज यांचा शिवराज्याभिषेक सोहळा प्रसंगाचा भव्य हालत्या देखाव्याचे सादरीकरण करण्यात आले आहे.
श्री स्वामी समर्थ अन्नछत्र मंडळाच्या परिसरात श्री तुळजाभवानी मातेचे भव्य मंदिर अन्नछत्र मंडळ न्यासाच्या वतीने बांधण्यात आले आहे. याच मंदिराच्या बाजूला जाणता राजा युग प्रवर्तक छत्रपती शिवाजी महाराज यांचा शिवराज्याभिषेक सोहळा प्रसंगाचा भव्य हालत्या देखाव्याचे सादरीकरण करण्यात आले आहे. हा ऐतिहासिक देखावा पाहण्यासाठी देवी भक्तांची व महिला भक्तांची मोठी गर्दी होत आहे .श्री स्वामी समर्थ अन्नछत्र मंडळाच्या वतीने दररोज देवी भक्तांना व महिला भक्तांना प्रसादाचे वाटप करण्यात येत आहे. सदरचा देखावा पाहण्यासाठी अक्कलकोट शहरातील व तालुक्यातील देवी भक्त मोठ्या संख्येने श्री स्वामी समर्थ अन्नछत्र मंडळात येत आहेत. श्री स्वामी समर्थ अन्नछत्र मंडळाचे संस्थापक अध्यक्ष जन्मेजयराजे भोसले व कार्यकारी विश्वस्त अमोलराजे भोसले हे सायंकाळी उपस्थित राहून सर्व देवी भक्तांची काळजी घेत आहेत. तसेच अन्नछत्र मंडळाचे सचिव शामराव मोरे उपाध्यक्ष अभय खोबरे , विश्वस्त , सेवेकरी कर्मचारी हे देवी भक्ताच्यां सेवेसाठी परिश्रम घेत आहेत.
