अक्कलकोट ( प्रतिनिधी )अक्कलकोट शहर – तालुक्यात अनेक राजकीय नेत्यांकडे बोगस जातीचे दाखले असल्याच चर्चा सध्या सर्वत्र रंगली आहे. अक्कलकोट तालुक्यातील जिल्हा परिषद व पंचायत समिती गणातील निवडणुकांचा बिगुल वाजला आहे.जिल्हा परिषद आणि पंचायत समिती साठी इच्छुक असणाऱ्या राजकीय नेत्यांनी विविध पक्षांकडे उमेदवारी मागणीचे अर्ज दाखल केले आहेत. सध्या जिल्हा परिषद व पंचायत समिती निवडणुकीची प्रक्रिया सुरू करण्यात आली असून उमेदवारी अर्ज विक्री सुरू झाली आहे. अशा परिस्थितीमध्ये अक्कलकोट शहर व तालुक्यातील अनेक मातब्बर राजकीय नेत्यांकडे जातीची बोगस दाखले असल्याचे बोलले जात आहे .अक्कलकोट तालुक्यातील अनेक राजकीय नेत्यांकडे एस सी , एस टी आणि ओबीसी चे बोगस जातीचे दाखले काढण्यात आले आहेत. यामुळे याची जोरदार चर्चा सर्वत्र सुरू आहे. सोलापूरच्या जिल्हाधिकारी यांनी तात्काळ याची दखल घेऊन अक्कलकोट तालुक्यातील सर्वच राजकीय नेत्यांचे जातीच्या दाखल्यांची चौकशी करून ज्यांनी बोगस जातीचे दाखले काढले आहेत त्यांच्यावर कठोर कारवाई करण्याची मागणी नागरिकांतून केली जात आहे.अक्कलकोट तालुक्यातील बोगस जातीच्या दाखल्यामुळे जे मूळ लाभार्थी आहेत एससी एसटी तसेच ओबीसी प्रवर्गातील जे मूळ लाभार्थी आहेत त्यांच्यावरती राजकीय , सामाजिक अन्याय होत आहे. याची सखोल चौकशी होणे गरजेचे आहे.अक्कलकोट तालुक्यात जातीची बोगस दाखले वाटल्याचे प्रकरण या अगोदर घडले आहे. याबाबत अनेकांवर कारवाई झाली आहे.सध्या जिल्हा परिषद आणि पंचायत समिती साठी इच्छुक असणाऱ्या राजकीय नेत्यांकडे ओबीसी ,एससी व एसटी प्रवर्गातील बोगस जातीचे दाखले मोठ्या प्रमाणात काढण्यात आले आहेत. अक्कलकोट तालुक्यात बोगस जातीचे दाखले देणारी एक सोनेरी टोळी सक्रिय असून याची सखोल चौकशी प्रशासनाने करावी अशी मागणी नागरिकांतून जोर धरली आहे.अक्कलकोट तालुक्यात बोगस जातीचे दाखले देणारी सोनेरी टोळी ही सक्रिय असून या टोळीचा पर्दाफाश होणे गरजेचे आहे.ज्या नेत्यांकडे बोगस जातीचे दाखले आहेत त्यांची चौकशी करून त्यांच्यावर कठोर कारवाई करण्यात यावी जेणेकरून मूळ लाभार्थी मागासवर्गीय लाभार्थी तसेच ओबीसी लाभार्थी यांच्यावर अन्याय होणार नाही याची दखल जिल्हाधिकारी व तहसील प्रशासन यांनी घेणे गरजेचे आहे अशी चर्चा नागरिकात सुरू आहे.
