माजलगाव शहर पोलीसांची उत्तम कामगीरी
माजलगांव ( नाजेर कुरेशी )
दिनांक २६ मार्च रोजी बाळासाहेब पांचाळ वय २४ वर्षे रा. पिंपरवाडा ता. धारूर है बसस्थानक माजलगांव येथे बसमध्ये चढत असतांना त्यांचा सॅमसंग कंपनीचा किमती १७ हजार- रुपयाचा मोबाईल गर्दीचा फायदा घेवून अजान चोरट्याने चोरून नेला असल्याबाबत फिर्यादी बाळासाहेब पांचाळ यांनी फिर्याद दिले अजात चोरट्या विरुध्द पो.स्टे. माजलगांव शहर येथे गुन्हा दाखल करण्यात आला.
त्यानंतर लागलीच माजलगांव शहर पोलीसांनी बसस्थानक मधील सीसीटीव्ही कॅमेरे तपासुन संशयीत शेख रईस शेख चाँद वय ३२ वर्षे रा. फुलेनगर माजलगांव यास ताब्यात घेवुन त्याचेकडे चौकशी करून अंगझडती घेतली असता त्याचे ताब्यात फिर्यादीचा चोरीस गेलेला सॅमसंग कंपनीचा १७ हजार – रुपये किमतीचा मोबाईल मिळुन आल्याने मोबाईल जप्त करण्यात आला असुन सदरचा गुन्हा अवघ्या दोन तासात माजलगांव पोलीसांनी उघडकीस आणला आहे.
सदरची कारवाई नवनित कॉवत, पोलीस अधीक्षक बीड, श्रीमती चेतना तिडके, अप्पर पोलीस अधीक्षक अंबाजोगाई, अनिल चोरमले, उपविभागीय पोलीस अधिकारी अंबाजोगाई अतिरिक्त पदभार उपविभाग माजलगांव यांच्या मार्गदर्शनाखाली पोलीस निरीक्षक राहुल सुर्यतळ, पोउपनि माकणे, पोहेकों / संदिप मोरे, गणेश तळेकर, माधव तोटेवाड यांनी केली आहे.
