अक्कलकोट ( प्रतिनिधी ) – करमाळ्याचे आमदार संजय शिंदे यांनी विधानसभा निवडणुकीसाठी आज येथील श्री वटवृक्ष स्वामी महाराज मंदिरास भेट देऊन अपक्ष उमेदवार म्हणून स्वामी चरणी नतमस्तक होत उमेदवारी अर्ज दाखल करण्याकरिता प्रस्थान केले आहे. यानिमित्ताने आलेल्या आमदार संजय शिंदे यांचा वटवृक्ष मंदिर समितीच्या वतीने समितीची चेअरमन महेश इंगळे यांनी श्री. स्वामी समर्थांचे कृपावस्त्र, प्रसाद, प्रतिमा देऊन यथोचित सत्कार केला व त्यांच्या पुढील वाटचालीस शुभेच्छा व्यक्त केल्या. याप्रसंगी बोलताना आमदार संजय शिंदे यांनी श्री स्वामी समर्थांचा मी एक निस्सीम भक्त आहे. आज स्वामींच्या साक्षीने त्यांच्या चरणी नतमस्तक होऊन उमेदवारी अर्ज दाखल करण्याकरिता आलो असल्याचे मनोगत व्यक्त केले. याप्रसंगी मंदिर समितीचे सचिव आत्माराम घाटगे, विश्वस्त महेश गोगी, संपतराव शिंदे, प्रथमेश इंगळे, व्यंकटेश पुजारी, मंदार महाराज पुजारी, संपतराव पाटील, शिवकुमार स्वामी, श्रीशैल गवंडी, गिरीश पवार आदींसह भाविक भक्त व कार्यकर्ते उपस्थित होते.
स्वामी चरणी नतमस्तक होऊन आ.संजय शिंदे यांनी दाखल केला उमेदवारी अर्ज
